பெரம்பலூர் மாவட்டத்தில் 7 கிராமங்களில் நாளை மறுதினம் குறைதீர் சிறப்பு திட்ட முகாம்

பெரம்பலூர், : பெரம்பலூர் மாவட்டத்தில் 7 வருவாய் கிராமங்களில் மக்கள் குறை தீர் சிறப்பு திட்ட முகாம் நாளை மறுதினம் (10ம் தேதி) நடைபெற உள்ளது.
இதன்படி, பெரம்பலூர் குறுவட்டம், கல்பாடி (வடக்கு), வேப்பந்தட்டை தாலுகாவில், வெங்கலம் குறுவட்டம், வேப்பந்தட்டை (தெற்கு), வாலிகண்டபுரம் குறுவட்டம், வாலிகண்டபுரம் ஆகிய கிராமங்களில் குறை தீர் சிறப்பு முகாம் நடைபெறுகிறது.  
அதே நாளில்,  குன்னம் தாலுகா, கீழப்புலியூர் குறுவட்டம், பேரளி(வடக்கு),  வடக்கலூர் குறுவட்டம், கீழப்பெரம்பலூர், வரகூர் குறுவட்டம், பெரியம்மா பாளையம் கிராமங்களில் இம்முகாம் நடைபெறுகிறது. இதே போல், ஆலத்தூர் தாலுகா கூத்தூர் குறுவட்டம், ஜெமீன் ஆத்தூர் கிராமத்திலும் என இம்மாவட்டத்தில் மொத்தம் 7 கிராமங்களில் நடைபெறும் இம்முகாமில் அந்தந்தப் பகுதி மக்கள் தவறாமல் கலந்துகொண்டு பயன்பெற வேண்டும் என்று கலெக்டர் தரேஸ் அஹமது வெளியிட்ட செய்திக்குறிப்பில் கேட்டுக்கொண்டுள்ளார்.