கரும்பு கொள்முதல் விலையை கண்டித்து விவசாயிகள் ஆர்ப்பாட்டம்!

தஞ்சை: தஞ்சாவூரில் குறைவாக வழங்கிய கரும்பு கொள்முதல் விலையை கண்டித்து விவசாயிகள் கருப்புக் கொடி ஏந்தியபடி நூதன போராட்டத்தில் ஈடுபட்டனர்.

மத்திய மாநில அரசுகளின் வங்கிகளில் விவசாயிகள் வாங்கிய கடனுக்காக நிலத்தையோ அல்லது டிராக்டர் வண்டிகளை ஜப்தி செய்வதை கண்டித்தும், தமிழக அரசு கரும்புக்கு டன் ஒன்றுக்கு கொள்முதல் விலையை 4 ஆயிரம் ரூபாயாக உயர்த்தி வழங்க வேண்டும் எனவும், சர்க்கரை ஆலைகளில் அரசு அறிவித்த கொள்முதல் விலையை தனியார் ஆலைகள் வழங்க வேண்டும் உள்ளிட்ட கோரிக்கைகளை வலியுறுத்தி தஞ்சை மாவட்ட தமிழக விவசாயிகள் சங்க தலைவர் சுகுமாறன் தலைமையில் தஞ்சையில் கருப்பு கொடிகளை ஏந்தியபடி விவசாயிகள் ஆர்ப்பாட்டத்தில் ஈடுபட்டனர்.