கண்காட்சியில் சிறப்பிடம்: ஆசிரியர்களுக்குப் பாராட்டு

மாநில அளவிலான அறிவியல் கண்காட்சியில் முதலிடம் பெற்ற பெரம்பலூர் ரோவர் பள்ளி ஆசிரியர்களை மாவட்ட ஆட்சியர் தரேஸ் அஹமது திங்கள்கிழமை பாராட்டினார்.

2013- 14-ம் ஆண்டிற்கான மாநில அளவிலான அறிவியல் கண்காட்சி, தாம்பரம் ஜெய்கோபால் கரோடியா தேசியப் பள்ளியில் 5.12.2013 முதல் 7.12.2013 வரை நடைபெற்றது. இதில் பல்வேறு பள்ளி ஆசிரியர்கள் அறிவியல் கண்டுபிடிப்புகளை காட்சிப்படுத்தியிருந்தனர்.  அவற்றில், பெரம்பலூர் ரோவர் மேல்நிலைப் பள்ளி ஆசிரியர்கள் மருதைராஜ், எபினேசர் ஆகியோரின் கோடைகாலத்தில் குளிர்ந்த காற்றை உடலுக்குத் தரக்கூடிய அறிவியல் கண்டுபிடிப்பு மாநில அளவில் முதலிடம் பெற்றது.  இதையடுத்து, சிறப்பிடம் பெற்ற ஆசிரியர்கள் மாவட்ட ஆட்சியரை சந்தித்து திங்கள்கிழமை வாழ்த்து பெற்றனர்.  மாவட்ட முதன்மைக் கல்வி அலுவலர் ரெ. மகாலிங்கம், ரோவர் பள்ளித் தலைமை ஆசிரியர்

தேவராஜ் ஆகியோர் உடனிருந்தனர்.