மாநில டென்னிஸ் போட்டி: பெரம்பலூர் மெட்ரிக் பள்ளி மாணவர்கள் சிறப்பிடம்

மாநில அளவிலான டென்னிஸ் போட்டியில், பெரம்பலூர் கோல்டன் கேட்ஸ் மெட்ரிக் பள்ளி மாணவர்கள் சிறப்பிடம் பெற்றனர்.

மாநில அளவிலான இரண்டாமாண்டு டென்னிஸ் போட்டிகள் சேலம் ஏ.ஆர்.ஏ.எஸ். மேல்நிலைப்பள்ளியில், ஜன. 2, 3, 4, 5 ஆகிய தேதிகளில் நடைபெற்றது.

இந்தப் போட்டியில், 10, 12 , 14 வயதுக்குள்பட்ட பிரிவுகளில் 300 மாணவர்கள் பங்கேற்றனர். 10 மற்றும் 12 வயது உள்ளவர்களுக்கான பிரிவுகளில், பெரம்பலூர் கோல்டன் கேட்ஸ் பள்ளி மாணவர் சூரியா முதலிடமும், மாணவன் விஜய் அரையிறுதிச் சுற்றுவரையும் தகுதி பெற்றார்.

இந்த மாணவர்கள் இருவரும், இரட்டையர் பிரிவில் அரையிறுதிச் சுற்றுவரை தகுதிப் பெற்றனர். மேலும், அதே பள்ளியைச் சேர்ந்த மாணவர்கள் ஸ்ரீவந்த்,  ஸ்ரீ விஷால், லெஷ்மன் பாபு, மார்பியஸ் ஆகியோர் கால் இறுதிச் சுற்றுவரை தகுதிப் பெற்றுள்ளனர்.

வெற்றி பெற்ற மாணவர்களை, பெரம்பலூர் கோல்டன் கேட்ஸ் பள்ளியின் தாளாளர் இரா. ரவிச்சந்திரன், பள்ளி முதல்வர் ஆர். அங்கற்கண்ணி ஆகியோர் பாராட்டி பரிசுகள் வழங்கினர்.