பெரம்பலூரில் நாளை அமைப்புசாரா ஒட்டுனர் தொழிலாளர்களுக்கான சிறப்பு முகாம்

பெரம்பலூர் மாவட்ட தொழிலாளர் அலுவலர் (சமூக பாதுகாப்புத் திட்டம்) அசோகன் விடுத்துள்ள அறிக்கையில் கூறியிருப்பதாவது:–

தொழிலாளர் மற்றும் வேலைவாய்ப்புத்துறை அரசு ஆணையின்படி தமிழ்நாடு அமைப்புசாரா தொழிலாளர் நலவாரியங்களில் அதிகப்படியான தொழிலாளர்களை பதிவு செய்யவும், வாரியங்களின் செயல்பாடுகளை தொழிலாளர்கள் அறியும் வகையில் சமூக பாதுகாப்புத்திட்டங்கள் குறித்து மாவட்ட அளவில் சிறப்பு விழிப்புணர்வு முகாம் நாளை (புதன்கிழமை) துறை மங்கலத்தில் உள்ள ஊராட்சி ஒன்றிய அலுவலகத்தில் கலெக்டர் தரேஸ்அஹமது தலைமையில் நடக்கிறது. நிகழ்ச்சியில் பங்கேற்க விரும்பும் கட்டுமான அமைப்புசாரா மற்றும் ஓட்டுனர்கள் தொழில்களில் பணிபுரியும் தொழிலாளர்கள் அனைவரும் தங்களது குடும்ப அட்டை அசல் மற்றும் நகல், வாக்காளர் அடையாள அட்டை அசல் மற்றும் நகல், பள்ளி மாற்றுச்சான்றிதழ் அசல் மற்றும் நகல், பாஸ்போர்ட் அளவு புகைப்படம்–3, தேசியமயமாக்கப்பட்ட வங்கியின் சேமிப்புக்கணக்கு புத்தகம் அசல் மற்றும் நகல், பாஸ்போர்ட் (வயதை குறிப்பதற்காக) இருப்பின் அதன் அசல் மற்றும் நகலுடன் நாளை பெரம்பலூர் ஒன்றிய அலுவலகத்திற்கு வர வேண்டும். இவ்வாறு அவர் கூறியுள்ளார்.