ஆம் ஆத்மி வெற்றி குறித்து ஏ.ஆர்.ரஹ்மான் அதிரடி!

சென்னை: ஆம் ஆத்மி கட்சியின் திடீர் வெற்றி குறித்து இசையமைப்பாளர் ஏ.ஆர்.ரஹ்மான் கருத்து தெரிவித்துள்ளார்.

பிரபல இசையமைப்பாளர் ஏ.ஆர்.ரஹ்மான், தனது 47 வது பிறந்தநாளை நேற்று கொண்டாடினார். அப்போது செய்தியாளர்களை சந்தித்தபோது அவர் தெரிவித்ததாவது:

"எனக்கு இத்தனை புகழ் பெற்றும் அடக்கமாக இருப்பது குறித்த கேள்விகள் எழுந்துள்ளன. நான் தேர்ந்தெடுத்துள்ள பாதை என்னை அப்படி இருக்கச் செய்கிறது. சர்ச்சைகளில் சிக்காமல் இருப்பதற்கு நான் எனக்காக வகுத்துள்ள கொள்கைகளே அதர்க்குக் காரணம்.

அதேபோல நாம் மட்டும் சந்தோஷமாக இருந்தால் போதாது குடும்பத்தார், உறவினர்கள், நண்பர்கள், அண்டை வீட்டார் என எல்லோரையுமே சந்தோஷப்படுத்த வேண்டும். அது மிக முக்கியம்.

டெல்லியில் ஆம் ஆத்மி கட்சி வெற்றி பெற்று, ஆட்சி அமைத்திருப்பதைப் பார்த்தால், இந்திய மக்கள் விழித்துக்கொண்டிருக்கிறார்கள். இனி யாரும் அவர்களை ஏமாற்ற முடியாது என்பதை உணர்த்துகிறது" என்று கூறியுள்ளார்.